De Klassenfohrt
An eunen scheonen Dage in Mai Ginks met der Scheole no Norderney. Fünfuntwintig leuwe Blagen Met de Lehrerin Frau Hagen. För de Mama nau eun Kuss, Dänn geths innen Omnibus. Keum hätt seu Lippe verloten, Fanget olle an teo reupen:
Refr.:
Wüi witt baan, wüi witt spielen, Drüwet keune Tüit verlieren Un wüi witt auck nich vergätten, Iusen Pickert up teo eten.
No vöre Stunnen dösser Reuse Geuth’s uppen Schepp, bange un leuse, Uppen Mer geuth’s rup un runner Un do was et auk keun Wunner, Dat innen Mer de Fisken Kreijet Pickert met Cola dotwisken. Doch oll baule vannen Schepp seu laupet Un bölket ollteohaupe.
Refr.:
Os seu dann innen Landheim wörn, Was eun grauten Strüit teo hörn. Wer kreijgt wekke Stoben, Wer schlopet unnen, wer schlopet boben. Küssen fleuget annen Dääz, Einige kreijt auk wat vörn Ees. Os seu sick wedder besinnen, Fangt seu laude an teo singen:
Refr.:
Oll annen naijsten Dag dann Teuhet oll Badebüxen an, Met Gejohle hinner Frau Hagen her, Just hinein innet graute Mer. De eune sprützet de anner natt, Seo maket Scheole richtig Spass. Chern denkte olle an dööse Dagen, Vellen Dank Frau Hagen!
Refr.:
|